Shtatëmbëdhjetë në Prishtinë dhe Art House në Shkodër nisën bashkëpunimin për rezidencën e artit Matanë, për shkëmbime kulturore dhe artistike në rajonin e Ballkanit dhe më gjerë, që kontribuojnë në biseda kritike e të pasura. Artistët Renea Begolli (RKS) dhe Xhulian Millaj (ALB) u bënë pjesë e programit të rezidencës. Matanë mbështet marrëdhëniet midis artit dhe hulumtimit duke u dhënë hapësirë artistëve të çdo disipline për të punuar në një projekt të ri me qasje burimore të ndryshme në Prishtinë dhe Shkodër.

Projekti Matanë është pjesë e projektit Regional Network for Cultural Diversity (READ).