Homeward
– Festimi i 10 viteve të Art House –
Shkodër, Shqipëri | 13.09.2025 – 13.10.2025
Hapja: E shtunë, 13.09.2025, ora 18:00, Radio Shkodra (Sheshi Demokracia 22)
Artistë: Abi Shehu, Alket Frashëri, Alketa Ramaj, Bib Frrokaj, Bora Baboçi, Doruntina Kastrati, Edson Luli, Elsamina Musiq, Elton Gllava, Erdiola Kanda Mustafaj, Ergys Vela, Erjola Zhuka, Fatlum Doçi, Haveit Collective, Iva Lulashi, Jetmir Idrizi, Jona Krasniqi, Jozefina Vokrri, Laura Paja, Lek M. Gjeloshi, Lori Lako, Luka Cvetkovich, Marina Sula, Marlin Dedaj, Nazli Moripek, Nora Bzheta, Orestia Kapidani, Remijon Pronja, Samela Balazi, Saša Tatić, Silva Agostini, Stefano Romano, Xhulian Millaj
Art House feston dhjetëvjetorin e tij me Homeward, një ekspozitë e shtrirë në gjithë qytetin që eksploron kujtesën, identitetin dhe përkatësinë. Duke bashkuar 33 artistë në pesë hapësira në Shkodër, ekspozita reflekton mbi një dekadë rritjeje të përbashkët, ndërkohë që imagjinon të ardhmen e Art House si një pjesë e gjallë dhe në zhvillim të vazhdueshëm të komunitetit.
E shpalosur si një konstelacion zërash dhe praktikash që përfshijnë pikturën, performancën, instalacionin, skulpturën dhe imazhin lëvizës, Homeward trajton tema urgjente dhe intime si zhvendosja, kufijtë, drejtësia klimatike, dashuria dhe dhuna në familje. Artistët pjesëmarrës rikthehen pasi kanë qenë pjesë e rezidencës Art House School, një program i bazuar në mësimin mes bashkëmoshatarëve, reflektimin dhe shkëmbimin në nivel rajonal. Ekspozita i bën gjithashtu homazh Ferdinand Pacit (1940–1975), duke prezantuar vizatimet e tij pesëdhjetë vjet pas ndarjes nga jeta. Prania e tij shërben njëkohësisht si mysafir dhe mikpritës, duke ndërlidhur breza dhe duke bashkuar kujtesën, trashëgiminë dhe vazhdimësinë në narrativën më të gjerë të Art House.
Në këtë okazion, Homeward shtrihet përtej shtëpisë së saj origjinale drejt katër institucioneve partnere dhe prezanton një hapësirë të re kulturore për qytetin: godina e Radio Shkodrës, e cila për herë të parë shndërrohet në një hapësirë kulturore dhe në një ekspozitë historike të gjallë. Homeward është një udhëtim simbolik drejt rrënjëve të asaj që vuri gjithçka në lëvizje, duke hapur njëkohësisht hapësirë për të pyetur: a mund t’i imagjinojmë dhjetë vitet e ardhshme? Ndoshta jo plotësisht. Por sigurisht, po.